FLAPTEKS

 

 

 

Stelling: Die mensdom is verslaaf aan sosiale media, die kuber, www, @, # en alles virtueel.

 

Vraag: Is rehabilitasie moontlik? Antwoord: Nee, die verdowing is reeds akuut.

 

Tensy: Medusa, die berugste kuberkraker ooit, haar missie voltooi: om sosiale media asook die ganse internet, te vernietig. Om terug te keer na tye toe realiteit en fantasie verskillende begrippe was. Toe feit nog van fiksie onderskei kon word.

 

Maar: Medusa speel kat en muis met almal. Ontrafel my wagwoord, dan praat ons weer, tart sy haar agtervolgers.

 

Proses: In n futiele poging om die kuberruim te beskerm, vertrek n span IT-spesialiste na die barre verlatenheid van die Namibwoestyn. Om daar, buite bereik van die internet asook Medusa se tentakels, hulself n laaste kans te gee om daardie wagwoord, asook die kode wat dit kan ontsluit, te ontsyfer. Wat die span egter nie besef nie, is dat Medusa een van hlle is.

 

Slot: Terug uit die woestyn, word Medusa by wyse van spreke wl onthoof, maar op n manier wat geen siel verwag het nie, allermins Medusa self.